Америкт гадаадын 765 000 гаруй оюутнууд суралцдаг байна. Америк   хамгийн  шилдэг боловсрол санал болгодогоороо олон улсын оюутнуудын анхаарлыг өөрийн эрхгүй  татдаг байна.  Алдарт ТАЙМС  сэтгүүлээс жил бүр гаргадаг боловсролын хавсралтын топ  20 их дээд сургуулиудын жагсаалтанд Америкаас 14 их сургууль багтсан байгаа нь үүнийг гэрчилнэ.

Тэгэхээр Америкт сурах олон  шалтагаануудын заримаас доор дурьдая.

• Боловсролын чанар

4900 гаруй магадлан итгэмжлэгдсэн их, дээд сургууль, коллежууд дээр бакалавр, магистрын түвшинд  900 гаруй мэргэжлээр мэргэжлийн хөтөлбөрүүдийг санал болгодог.  Америкийн дээд боловсролын сургалт болон судалгааны хоорондын нягт холбоос  нь  дэлхийн хэмжээнд эрдэм шинжилгээ, технологийн дэвшлийн тэргүүн эгнээнд  жагсааж байгаа билээ.  Иймээс Пулицер, Нобелийнэ шагналтнууд хамгийн ихээр Америкийн их дээд сургуулиас төрдөг.

• Сонголт хийх боломж

Боловсролын олон сонголт , хувилбарууд байдаг нь оюутнуудад  боловсролын болон нийгмийн ашиг сонирхолдоо нийцүүлэн сурах  боломжийг олгодог байна. Хүн бүр өөрийн сурах арга барилдаа үндэслэн улсын эсвэл хувийн  сургуулиудад эсвэл хүмүүнлэгийн ухааны эсвэл техникийн коллежэд , шашны харьяалалттай эсвэл чөлөөт сургуулиудад сурах сонголтуудтай.

• Дэлхийн бүх үндэстэн цугларсан эрх чөлөөт нийгэм

Оюутны амьдралын нэг хэсэг болсон орчин нөхцөл нь олон үндэстний  интернациональ тул ямар ч улс орны оюутан амьдраад байх тааламжтай амьдрах боломжтой.